2015 جىلعى 30 ءساۋىر, استانا قالاسى
ۆەتەريناريالىق ەسەپكە الۋ مەن ەسەپتىلىكتى جۇرگىزۋ, ۇسىنۋ قاعيدالارىن بەكىتۋ تۋرالى
«ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنىڭ 8-بابىنىڭ 45) تارماقشاسىنا سايكەس بۇيىرامىن:
1. قوسا بەرىلىپ وتىرعان ۆەتەريناريالىق ەسەپكە الۋ مەن ەسەپتىلىكتى جۇرگىزۋ, ۇسىنۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريا جانە تاماق قاۋىپسىزدىگى دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.مامىتبەكوۆ
قازاقستان رەسپۋبليكاسى اۋىل شارۋاشىلىعى ءمينيسترىنىڭ
2015 جىلعى 30 ساۋىردەگى № 7-1/394 بۇيرىعىمەن بەكىتىلگەن
ۆەتەريناريالىق ەسەپكە الۋ مەن ەسەپتىلىكتى جۇرگىزۋ, ۇسىنۋ قاعيدالارى
1. جالپى ەرەجەلەر
1. وسى ۆەتەريناريالىق ەسەپكە الۋ مەن ەسەپتىلىكتى جۇرگىزۋ, ۇسىنۋ قاعيدالارى (بۇدان ءارi – قاعيدالار) «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسىنىڭ زاڭىنا (بۇدان ءارi – زاڭ) سايكەس ازiرلەندى جانە ۆەتەريناريالىق ەسەپكە الۋ مەن ەسەپتىلىكتى جۇرگىزۋ, ۇسىنۋ ءتارتىبىن ايقىندايدى.
2. ۆەتەريناريالىق ەسەپكە الۋ مەن ەسەپتiلiك ەپيزووتيالىق احۋالعا, مەملەكەتتiك ۆەتەريناريالىق-سانيتاريالىق باقىلاۋ جانە قاداعالاۋ وبەكتiلەرىنىڭ ۆەتەريناريالىق-سانيتاريالىق جاي-كۇيىنە مونيتورينگ جۇرگىزۋ جانە باعالاۋ, ۆەتەريناريالىق (ۆەتەريناريالىق-سانيتاريالىق) قاعيدالاردى زاڭنىڭ 8-بابى, 9) تارماقشاسىنا سايكەس بەكىتىلگەن, سونداي-اق جۇرگiزiلەتiن iس-شارالاردىڭ كولەمi مەن تيiمدiلiگiن ساقتاۋ ماقساتىندا جۇزەگە اسىرىلادى جانە ونى مىناداي تۇلعالار:
1) ۆەتەريناريا سالاسىنداعى كاسiپكەرلiك قىزمەتتi جۇزەگە اسىراتىن جەكە جانە زاڭدى تۇلعالار;
2) ۆەتەريناريا سالاسىنداعى قىزمەتتi جۇزەگە اسىراتىن وبلىستاردىڭ, رەسپۋبليكالىق ماڭىزى بار قالالاردىڭ, اۋدانداردىڭ, وبلىستىق ماڭىزى بار قالالاردىڭ جەرگiلiكتi اتقارۋشى ورگاندارىنىڭ بولiمشەلەرi (بۇدان ءارi – جاو بولiمشەلەرi);
3) مەملەكەتتiك ۆەتەريناريالىق ۇيىمدار;
4) مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋدى جۇزەگە اسىراتىن ۆەتەريناريا سالاسىنداعى ۋاكىلەتتى ورگان ۆەدومستۆوسى (بۇدان ءارى – ۆەدومستۆو), ونىڭ اۋماقتىق بولىمشەلەرى, ونىڭ ىشىندە ۆەتەريناريالىق باقىلاۋ بەكەتتەرى ۇسىنادى.
3. ۆەتەريناريالىق ەسەپكە الۋ مەن ەسەپتىلىكتى جۇرگىزۋ, تابىس ەتۋ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 25 اقپانداعى «ۆەتەريناريالىق ەسەپ پەن ەسەپتىلىك نىساندارىن بەكىتۋ تۋرالى» №16-07/114 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9342 بولىپ تىركەلگەن) بەكىتىلگەن نىساندارى بويىنشا جۇزەگە اسىرىلادى.
4. ۆەتەريناريالىق ەسەپتiلiكتى جاۋاپتى ادام تولتىرادى جانە تيiستi مورمەن بەكiتىلەدi.
ۆەتەريناريالىق ەسەپتىلىك الۋشى(لار)عا ەلەكتروندىق نىساندا (سكانەرلەگەن كوشىرمە تۇرىندە) نەمەسە قاعاز نىسانىندا (تۇپنۇسقا نەمەسە كوشىرمە تۇرىندە) جىبەرىلەدى. ۆەتەريناريالىق ەسەپتiلiكتىڭ ءبىر تۇپنۇسقاسى جاۋاپتى تۇلعادا (جىبەرۋشى) ساقتالادى.
5. ۆەتەريناريالىق ەسەپكە الۋ جۋرنالدارىن:
ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن زاڭدى جانە جەكە تۇلعالاردىڭ;
ۆەتەريناريا سالاسىنداعى قىزمەتتى جۇزەگە اسىراتىن مەملەكەتتىك ورگانداردىڭ بولىمشەلەرىنىڭ;
مەملەكەتتىك ۆەتەريناريالىق ۇيىمداردىڭ;
ۆەدومستۆوسى, ونىڭ اۋماقتىق بولىمشەلەرى, ونىڭ ىشىندە ۆەتەريناريالىق باقىلاۋ بەكەتتەرى جۋرنالدى جۇرگىزەتىن ادامدارى تىگەدى, نومىرلەيدى جانە ءتيىستى مورمەن بەكiتەدi.
ۆەتەريناريالىق ەسەپكە الۋ جۋرنالدارىنداعى جازبالار ءتيىستى جۇمىستىڭ ورىندالۋ پروتسەسىندە نەمەسە تىكەلەي ول اياقتالا سالىسىمەن جۇرگىزىلەدى.
6. ۆەتەريناريالىق ەسەپكە الۋ جۋرنالىنىڭ تيتۋلدىق پاراعىندا جۋرنالدىڭ اتاۋى, جازبالاردىڭ باستالعان جانە اياقتالعان كۇندەرi, تيiستi جۋرنالدى جۇرگiزۋگە جاۋاپتى ادامنىڭ تەگى, اتى, اكەسىنىڭ اتى, سونداي-اق لاۋازىمى كورسەتىلەدi.
7. ۆەتەريناريالىق ەسەپكە الۋ جۋرنالدارى جازبالاردىڭ اياقتالعان ۋاقىتىنان باستاپ ءۇش جىل بويى (اكىمشىلىك-اۋماقتىق بىرلىكتىڭ ەپيزووتيالىق جاعدايىن جازۋعا ارنالعان تۇراقتى ساقتالۋعا جاتاتىن جۋرنالدى قوسپاعاندا) ساقتالادى.
2. ۆەتەريناريا سالاسىنداعى كاسiپكەرلiك قىزمەتتi جۇزەگە
اسىراتىن جەكە جانە زاڭدى تۇلعالاردىڭ ۆەتەريناريالىق ەسەپكە الۋدى جۇرگiزۋ جانە ەسەپتiلiكتi ۇسىنۋ ءتارتiبi
8. ۆەتەريناريا سالاسىنداعى كاسiپكەرلiك قىزمەتتi جۇزەگە اسىراتىن جەكە جانە زاڭدى تۇلعالار ولاردىڭ ۆەتەريناريا سالاسىنداعى جۇزەگە اسىراتىن كاسiپكەرلiك قىزمەتىنiڭ تۇرiنە قاراي مىناداي ۆەتەريناريالىق ەسەپكە الۋ جۋرنالدارىن جۇرگiزەدi:
1) ۆەتەريناريالىق-پروفيلاكتيكالىق iس-شارالاردى جازۋعا ارنالعان جۋرنال (ۆەتەسەپ, № 1-ۆەت نىسان);
2) جانۋارلاردىڭ اۋرۋلارىن تiركەۋ جۋرنالى (ۆەتەسەپ, № 2-ۆەت نىسان);
3) جانۋارلاردى دايىنداۋ (سويۋ), ساقتاۋ, وڭدەۋ جانە ساتۋدى جۇزەگە اسىراتىن وبەكتىلەردەگى ەت پەن قوسىمشا ونىمدەردى, جانۋارلاردان الىناتىن ءونىم مەن شيكىزاتتى ۆەتەريناريالىق-سانيتاريالىق ساراپتاۋدى ەسەپكە الۋ جۋرنالى (ۆەتەسەپ, № 3-ۆەت نىسان);
4) iشكi ساۋدا وبەكتiلەرiندەگى ۆەتەريناريالىق-سانيتاريالىق ساراپتاما زەرتحاناسىندا ەت, بالىق, تەڭiز ونiمدەرi جانە جۇمىرتقالاردى ۆەتەريناريالىق-سانيتاريالىق ساراپتاۋ جۋرنالى (ۆەتەسەپ, № 4-ۆەت نىسان);
5) ۆەتەريناريالىق-سانيتاريالىق ساراپتاۋ زەرتحاناسىندا ءسۇت جانە ءسۇت ونiمدەرiن ۆەتەريناريالىق-سانيتاريالىق ساراپتاۋدى ەسەپكە الۋ جۋرنالى (ۆەتەسەپ, № 5-ۆەت نىسان);
6) ۆەتەريناريالىق-سانيتاريالىق ساراپتاۋ زەرتحاناسىندا بالدى ساراپتاۋ جۋرنالى (ۆەتەسەپ, № 6-ۆەت نىسان).
9. وسى قاعيدالاردىڭ 8-تارماعىنىڭ 3) - 6) تارماقشالارىندا كورسەتiلگەن جۋرنالداردى جانۋارلاردان الىناتىن ونiمدەر مەن شيكiزاتتىڭ ۆەتەريناريالىق-سانيتاريالىق ساراپتاماسى جونىندەگى كاسiپكەرلiك قىزمەتتi جۇزەگە اسىراتىن تۇلعالار جۇرگiزەدi.
10. وسى قاعيدالاردىڭ 9-تارماعىندا كورسەتiلگەن ەسەپكە الۋ جۋرنالدارىنىڭ دەرەكتەرi نەگiزiندە جەكە جانە زاڭدى تۇلعالار ەسەپتiلiكتiڭ مىناداي نىساندارىن ۇسىنادى:
1) جانۋارلاردى, جانۋارلاردان الىناتىن ونiمدەر مەن شيكiزاتتى ءوندىرۋدى, دايىنداۋدى (سويۋدى), ساقتاۋدى, وڭدەۋدi جانە وتكiزۋدi جۇزەگە اسىراتىن وبەكتiلەردەگى جانۋارلاردان الىناتىن ءونىم مەن شيكىزاتتىڭ ۆەتەريناريالىق-سانيتاريالىق ساراپتاماسى تۋرالى ەسەپ (№ 1-ۆەت نىسان).
بۇل ەسەپتiلىكتى تولتىرۋ كەزىندە وسى قاعيدالاردىڭ 8-تارماعىنىڭ 3) تارماقشاسىندا كورسەتiلگەن جۋرنالدىڭ دەرەكتەرi پايدالانىلادى;
2) iشكi ساۋدا وبەكتiلەرiندەگى (بازارلارداعى) جانۋارلاردان الىناتىن ونiمدەر مەن شيكiزاتتىڭ ۆەتەريناريالىق-سانيتاريالىق ساراپتاماسى تۋرالى ەسەپ (№ 2-ۆەت نىسان). وسى قاعيدالاردىڭ 8-تارماعىنىڭ 3) - 6) تارماقشالارىندا كورسەتiلگەن جۋرنالدار ەسەپتi جاساۋ ءۇشiن العاشقى دەرەكتەر بولىپ تابىلادى;
3) زاڭدى تۇلعالاردىڭ ۆەتەريناريالىق بيوپرەپاراتتاردى ءوندiرۋi تۋرالى ەسەپ (№ 4-ۆەت نىسان);
4) ۆەتەريناريالىق پرەپاراتتاردى قولدانۋ جانە جەمشوپ پەن جەمشوپتىك قوسپالاردى پايدالانۋ تۋرالى ەسەپ (№ 6-ۆەت نىسان).
11. وسى قاعيدالاردىڭ 10-تارماعىنىڭ 1) - 4) تارماقشالارىندا كورسەتiلگەن ۆەتەريناريالىق ەسەپتiلiكتى ۆەتەريناريا سالاسىنداعى كاسiپكەرلiك قىزمەتتi جۇزەگە اسىراتىن جەكە جانە زاڭدى تۇلعالار تيiستi اكiمشiلiك-اۋماقتىق بiرلiكتiڭ جاو بولiمشەلەرiنە ەسەپ بەرۋ كەزەڭiنەن كەيiنگi ايدىڭ بەسiنشi كۇنiنە دەيىن بەرەدى.
3. مەملەكەتتiك ۆەتەريناريالىق ۇيىمداردىڭ ۆەتەريناريالىق
ەسەپكە الۋدى جۇرگiزۋ جانە ەسەپتiلiكتi ۇسىنۋ ءتارتiبi
12. مەملەكەتتiك ۆەتەريناريالىق ۇيىمدار (بۇدان ءارi – مەملەكەتتiك ۇيىمدار) جۇزەگە اسىراتىن فۋنكتسيالارىنا قاراي ۆەتەريناريالىق ەسەپكە الۋدىڭ مىناداي جۋرنالدارىن جۇرگiزەدi:
1) وسى قاعيدالاردىڭ 8-تارماعىنىڭ 1) - 6) تارماقشالارىندا كورسەتiلگەن ۆەتەريناريالىق ەسەپكە الۋ جۋرنالدارى;
2) ۆەتەريناريالىق زەرتحاناعا كەلىپ تۇسكەن ماتەريالداردى تiركەۋ جۋرنالى (ۆەتەسەپ, № 7-ۆەت نىسان);
3) باكتەريولوگيالىق زەرتتەۋلەر جۋرنالى (ۆەتەسەپ, № 8-ۆەت نىسان);
4) ۆيرۋسولوگيالىق زەرتتەۋلەر جۋرنالى (ۆەتەسەپ, № 9-ۆەت نىسان);
5) سەرولوگيالىق زەرتتەۋلەر جۋرنالى (ۆەتەسەپ, № 10-ۆەت نىسان);
6) گەماتولوگيالىق زەرتتەۋلەر جۋرنالى (ۆەتەسەپ, № 11-ۆەت نىسان);
7) گيستولوگيالىق زەرتتەۋلەر جۋرنالى (ۆەتەسەپ, № 12-ۆەت نىسان);
8) بىلعارى جانە ءۇلبىر شيكiزاتىنىڭ سىنامالارىن سiبiر جاراسىنا زەرتتەۋ جۋرنالى (ۆەتەسەپ, № 13-ۆەت نىسان);
9) جانۋارلاردىڭ پارازيتارلىق اۋرۋلارىنا زەرتحانالىق زەرتتەۋلەردi ەسەپكە الۋ جۋرنالى (ۆەتەسەپ, № 14-ۆەت نىسان);
10) جەمشوپ پەن باسقا ماتەريالداردىڭ ميكوتوكسيكولوگيالىق زەرتتەۋلەر جۋرنالى (ۆەتەسەپ, № 15-ۆەت نىسان);
11) حيميالىق-توكسيكولوگيالىق زەرتتەۋلەر جۋرنالى (ۆەتەسەپ, № 16-ۆەت نىسان);
12) بيوحيميالىق جانە زەرتحانالىق-كلينيكالىق زەرتتەۋلەر جۋرنالى (ۆەتەسەپ, № 17-ۆەت نىسان);
13) بالىق شارۋاشىلىعىنىڭ سۋ قويمالارىن گيدروحيميالىق جانە توكسيكولوگيالىق زەرتتەۋلەر جۋرنالى (ۆەتەسەپ, № 18-ۆەت نىسان);
14) ۆەتەريناريالىق زەرتحانانىڭ راديولوگيالىق ءبولiمiنiڭ زەرتتەۋلەردi ەسەپكە الۋ جۋرنالى (ۆەتەسەپ, № 19-ۆەت نىسان);
15) ۆەتەريناريادا پايدالانىلاتىن ميكروورگانيزمدەر شتاممدارىنىڭ قوزعالىسىن تiركەۋ جۋرنالى (ۆەتەسەپ, № 20-ۆەت نىسان);
16) جانۋارلاردىڭ ينفەكتسيالىق, ينۆازيالىق جانە ساڭىراۋقۇلاقتىق اۋرۋلارىنىڭ قوزدىرعىشتارىمەن زالالدانعان زەرتحانالىق جانۋارلاردى ەسەپكە الۋ جۋرنالى (ۆەتەسەپ, № 21-ۆەت نىسان);
17) ميكروورگانيزم شتاممدارىن بەرۋ جۋرنالى (ۆەتەسەپ, № 22-ۆەت نىسان);
18) ميكروورگانيزم شتاممدارىنىڭ قاسيەتتەرiن تەكسەرۋ ناتيجەلەرiن تiركەۋ جۋرنالى (ۆەتەسەپ, № 23-ۆەت نىسان);
19) بيوماتەريالدى, ميكروورگانيزم شتاممدارىنىڭ داقىلدارىن جويۋدى تiركەۋ جۋرنالى (ۆەتەسەپ, № 24-ۆەت نىسان);
20) جانۋارلاردان الىناتىن تاماق ونiمدەرiن, جارتىلاي فابريكاتتاردى جانە شيكiزاتتى ساراپتاۋ ناتيجەلەرiن تiركەۋ جۋرنالى (ۆەتەسەپ, № 25-ۆەت نىسان);
21) مولەكۋليارلى-گەنەتيكالىق زەرتتەۋلەردiڭ ناتيجەلەرiن تiركەۋ جۋرنالى (ۆەتەسەپ, № 26-ۆەت نىسان);
22) ۆەتەريناريالىق باقىلاۋ پوستتارىنداعى كولiك قۇرالدارىنىڭ دەزينفەكتسياسى تۋرالى جۋرنال (№ 27-ۆەت نىسان);
23) ۆەتەريناريالىق پرەپاراتتاردىڭ رەسپۋبليكالىق قورىنىڭ ساقتالۋى جانە كەلiپ ءتۇسۋi جونىندەگى جۋرنال (№ 28-ۆەت نىسان).
13. رەسپۋبليكالىق مەملەكەتتiك كاسىپورىندار نىسانىنداعى مەملەكەتتiك
ۇيىمدار جۇزەگە اسىراتىن فۋكتسيالارىنا قاراي ەسەپتiلiكتiڭ مىناداي تۇرلەرiن ۇسىنادى:
1) ۆەتەريناريالىق زەرتحانالاردىڭ قىزمەتى تۋرالى ەسەپ (№ 8-ۆەت نىسان);
2) رەفەرەنتتiك زەرتحانانىڭ قىزمەتى تۋرالى ەسەپ (№ 9-ۆەت نىسان).
14. وسى قاعيدالاردىڭ 13-تارماعىنىڭ 1) تارماقشاسىندا كورسەتىلگەن ۆەتەريناريالىق ەسەپتىلىكتى مەملەكەتتىك ۇيىمنىڭ اۋداندىق فيليالدارى جاسايدى جانە ەسەپ بەرۋ كەزەڭىنەن كەيىنگى ايدىڭ ونىنشى كۇنىنە قاراي مەملەكەتتىك ورگاننىڭ وبلىستىق فيليالدارىنا جانە جاو بولىمشەسىنە ۇسىنىلادى.
مەملەكەتتىك ۇيىمنىڭ وبلىستارداعى, وبلىستىق جانە رەسپۋبليكالىق ماڭىزى بار قالالارداعى, استاناداعى فيليالدارى ەسەپ بەرۋ كەزەڭىنەن كەيىنگى ايدىڭ ون بەسىنشى كۇنىنە قاراي مەملەكەتتىك ۇيىمداردىڭ ورتالىق اپپاراتىنا ۆەتەريناريالىق ەسەپتىلىكتى ۇسىنادى.
مەملەكەتتىك ۇيىمنىڭ ورتالىق اپپاراتى ۆەتەريناريالىق ەسەپتىلىكتى جۇرگىزەدى, جيناقتايدى جانە تالداۋىن جۇرگىزەدى, سودان كەيىن ونى ەسەپ بەرۋ كەزەڭىنەن كەيىنگى ايدىڭ جيىرماسىنشى كۇنىنە قاراي ۆەدومستۆوعا ۇسىنادى.
15. وسى قاعيدالاردىڭ 13-تارماعىنىڭ 2) تارماقشاسىندا كورسەتىلگەن ۆەتەريناريالىق ەسەپتىلىكتى مەملەكەتتىك ۇيىمنىڭ رەسپۋبليكالىق ماڭىزى بار قالاداعى فيليالى جاسايدى, ەسەپ بەرۋ كەزەڭىنەن كەيىنگى ايدىڭ ون بەسىنشى كۇنىنە قاراي مەملەكەتتىك ۇيىمنىڭ ورتالىق اپپاراتىنا ۆەتەريناريالىق ەسەپتىلىكتى ۇسىنادى.
مەملەكەتتىك ۇيىمنىڭ ورتالىق اپپاراتى ۆەتەريناريالىق ەسەپتىلىكتى جۇرگىزەدى, جيناقتايدى جانە تالداۋىن جۇرگىزەدى, سودان كەيىن ونى ەسەپ بەرۋ كەزەڭىنەن كەيىنگى ايدىڭ جيىرماسىنشى كۇنىنە قاراي ۆەدومستۆوعا ۇسىنادى.
16. مەملەكەتتiك مەكەمە نىسانىنداعى مەملەكەتتiك ۇيىم ورىندالعان جۇمىستار اكتىلەرىنىڭ نەگىزىندە جانۋارلاردىڭ اسا قاۋiپتi اۋرۋلارىنىڭ وشاقتارىن جويۋ تۋرالى ەسەپتى (№ 10-ۆەت نىسان) ۇسىنادى.
ۆەتەريناريالىق ەسەپتiلiكتى مەملەكەتتiك ۇيىمنىڭ وبلىستىق فيليالدارى جاسايدى جانە ەسەپ بەرۋ كەزەڭiنەن كەيiنگi ايدىڭ ون بەسiنشi كۇنiنە قاراي مەملەكەتتiك ۇيىمنىڭ ورتالىق اپپاراتىنا ۇسىنادى.
مەملەكەتتiك ۇيىمنىڭ ورتالىق اپپاراتى ۆەتەريناريالىق ەسەپتiلiكتi جيناقتايدى جانە تالداۋ جۇرگiزەدi, سودان كەيiن ەسەپ بەرۋ كەزەڭiنەن كەيiنگi ايدىڭ جيىرماسىنشى كۇنiنە قاراي ۆەدومستۆوعا ۇسىنادى.
17. ءتيىستى اكىمشىلىك-اۋماقتىق بىرلىكتەردىڭ جەرگىلىكتى اتقارۋشى ورعاندارى قۇرعان مەملەكەتىك ۇيىمدار (بۇدان ءارى – جاو مەملەكەتتىك ۇيىمدارى) وسى قاعيدالاردىڭ 8-تارماعىنىڭ 1) جانە 2) تارماقشالارىندا كورسەتiلگەن ۆەتەريناريالىق ەسەپكە الۋدىڭ مىناداي جۋرنالدارىن جۇرگiزەدi.
18. جاو مەملەكەتتىك ۇيىمدارى ەسەپتiلiكتiڭ مىناداي تۇرلەرiن ۇسىنادى:
1) مەملەكەتتiك تاپسىرىس بويىنشا الىنعان بيولوگيالىق پرەپاراتتاردىڭ بولۋى جانە جۇمسالۋى تۋرالى ەسەپ (№ 3-ۆەت نىسان);
2) جانۋارلاردىڭ اۋرۋلارى تۋرالى ەسەپ (№ 5-ۆەت نىسان);
3) وسى قاعيدالاردىڭ 10-تارماعىنىڭ 4) تارماقشاسىندا كورسەتiلگەن ەسەپ.
19. وسى قاعيدالاردىڭ 18-تارماعىنىڭ 1) - 3) تارماقشالارىندا كورسەتىلگەن ۆەتەريناريالىق ەسەپتىلىكتى اۋداندىق ماڭىزى بار قالا, اۋىل, كەنت, اۋىلدىق وكرۋگتە ۆەتەريناريالىق پۋنكت جاسايدى جانە ەسەپ بەرۋ كەزەڭىنەن كەيىنگى ايدىڭ بەسىنشى كۇنىنە قاراي اۋداندىق جاو مەملەكەتتىك ۇيىمدارىنىڭ ورتالىق اپپاراتىنا ۇسىنادى.
اۋداندىق جاو مەملەكەتتiك ۇيىمدارىنىڭ ورتالىق اپپاراتى ۆەتەريناريالىق ەسەپتiلiكتi جيناقتايدى جانە تالداۋ جۇرگiزەدi, سودان كەيiن ەسەپ بەرۋ كەزەڭiنەن كەيiنگi ايدىڭ ونىنشى كۇنiنە قاراي اۋداندىق جاو بولىمشەسىنە ۇسىنادى.
وبلىستىق ماڭىزى بار قالانىڭ, رەسپۋبليكالىق ماڭىزى بار قالانىڭ, استانانىڭ جاو مەملەكەتتiك ۇيىمدارى ۆەتەريناريالىق ەسەپتiلiكتi جيناقتايدى جانە تالداۋ جۇرگiزەدi جانە وتكىزەدى, سودان كەيiن ەسەپ بەرۋ كەزەڭiنەن كەيiنگi ايدىڭ ونىنشى كۇنiنە قاراي وبلىستىق ماڭىزى بار قالانىڭ, رەسپۋبليكالىق ماڭىزى بار قالانىڭ, استانانىڭ جاو بولىمشەسىنە ۇسىنادى.
4. ۆەتەريناريا سالاسىنداعى قىزمەتتi جۇزەگە اسىراتىن
جەرگiلiكتi اتقارۋشى ورگاندار بولiمشەلەرiنىڭ ۆەتەريناريالىق ەسەپكە الۋدى جۇرگiزۋ جانە ەسەپتiلiكتi ۇسىنۋ ءتارتiبi
20. جاو بولiمشەلەرi ۆەتەريناريالىق ەسەپكە الۋدىڭ مىناداي جۋرنالدارىن جۇرگiزەدi:
1) سويىلعان جانۋارلاردى قاراپ تەكسەرۋدىڭ جانە سويۋ پۋنكتتەرi (الاڭدارى) مەن ەت كومبيناتتارىنداعى ەت جانە ەت ونiمدەرiنiڭ ۆەتەريناريالىق-سانيتاريالىق ساراپتاماسىنىڭ ناتيجەلەرiن ەسەپكە الۋ جۋرنالى (ۆەتەسەپ,
№ 30-ۆەت نىسان);
2) iشكi ساۋدا وبەكتiلەرiندە (بازارلاردا) وتكiزiلەتiن جانۋارلاردى, جانۋارلاردان الىناتىن ونiمدەر مەن شيكiزاتتى تiركەۋ جۋرنالى (ۆەتەسەپ,
№ 31-ۆەت نىسان);
3) ءوندiرiس وبەكتiلەرiنە ەسەپتiك نومiرلەر بەرۋدi تiركەۋ جۋرنالى (ۆەتەسەپ, № 32-ۆەت نىسان).
21. جاو بولiمشەلەرi ەسەپتiلiكتiڭ مىناداي تۇرلەرiن ۇسىنادى:
1) وسى قاعيدالاردىڭ 10-تارماعىنىڭ 1) تارماقشاسىندا كورسەتiلگەن ەسەپ;
2) وسى قاعيدالاردىڭ 18-تارماعىنىڭ 1) - 3) تارماقشالارىندا كورسەتiلگەن ەسەپتەر;
3) ۆەتەريناريالىق-سانيتاريالىق وبەكتiلەردi سالۋ, ليتسەنزيالاۋ ماسەلەلەرى, ۆەتەريناريا جانە اۋىل شارۋاشىلىعى جانۋارلارىن بiردەيلەندiرۋ سالاسىندا قىزمەت كورسەتەتىن ۆەتەريناريالىق دارىگەرلەر سانى تۋرالى ەسەپ (№ 7-ۆەت نىسان);
4) جانۋارلاردى, جانۋارلاردان الىناتىن ونiمدەر مەن شيكiزاتتى ءوندىرۋدى, دايىنداۋدى (سويۋدى), ساقتاۋدى, وڭدەۋدi جانە وتكiزۋدi جۇزەگە اسىراتىن ءوندiرiس وبەكتiلەرىندە جانۋارلاردان الىناتىن ونiمدەر مەن شيكiزاتتى مەملەكەتتiك ۆەتەريناريالىق-سانيتاريالىق باقىلاۋ مەن قاداعالاۋ جانە ۆەتەريناريالىق-سانيتاريالىق ساراپتاما ناتيجەلەرi تۋرالى ەسەپ
(№ 12-ۆەت نىسان);
5) ۆەتەريناريا سالاسىنداعى قىزمەتتi جۇزەگە اسىراتىن جەرگiلiكتi اتقارۋشى ورگانداردىڭ انىقتالعان بۇزۋشىلىقتارداعى قىزمەتiنە جۇرگiزiلگەن ۆەتەريناريالىق-سانيتاريالىق باقىلاۋ جانە قاداعالاۋ ەسەبىن قوسپاعاندا, ۆەتەريناريا سالاسىنداعى قىزمەتتi جۇزەگە اسىراتىن جەكە جانە زاڭدى تۇلعالار مەن جەرگiلiكتi اتقارۋشى ورگانداردىڭ بولiمشەلەرiن تەكسەرۋ, سونداي-اق ايقىندالعان ۆەتەريناريا سالاسىنداعى زاڭنامانى بۇزۋشىلىقتار تۋرالى ەسەپ (№ 13-ۆەت نىسان).
22. جاو بولiمشەلەرi ەسەپتiلiكتi مىناداي تارتىپپەن ۇسىنادى:
1) اۋداننىڭ (وبلىستىق ماڭىزى بار قالانىڭ) جاو بولiمشەلەرi ۆەتەريناريا سالاسىنداعى كاسiپكەرلiك قىزمەتتi جۇزەگە اسىراتىن جەكە جانە زاڭدى تۇلعالار جانە اۋداندىق جاو-نىڭ مەملەكەتتىك ۇيىمدارى ۇسىنعان ەسەپتەردi جيناقتاعاننان جانە تالداعاننان كەيىن, ەسەپ بەرۋ كەزەڭiنەن كەيiنگi ايدىڭ ون بەسىنشى كۇنiنە قاراي ۆەتەريناريالىق ەسەپتىلىكتى وبلىستىڭ جاو بولiمشەلەرiنە جانە ەسەپتىلىكتىڭ ەكىنشى داناسىن ۆەدومستۆونىڭ ءتيىستى اۋماقتىق بولىمشەسىنە (بۇدان ءارى – اۋماقتىق بولىمشە) بەرەدى;
2) وبلىستاردىڭ جاو بولiمشەلەرi جيناقتاۋدى جانە تالداۋدى جۇرگiزگەننەن كەيىن ەسەپتى كەزەڭنەن كەيىنگى ايدىڭ جيىرماسىنشى كۇنiنە قاراي ۆەتەريناريالىق ەسەپتiلiكتi ۆەدومستۆوعا بەرەدى;
3) رەسپۋبليكالىق ماڭىزى بار قالانىڭ, استانانىڭ جاو بولىمشەلەرى ۆەتەريناريا سالاسىنداعى كاسىپكەرلىك قىزمەتتى جۇزەگە اسىراتىن جەكە جانە زاڭدى تۇلعالار جانە رەسپۋبليكالىق ماڭىزى بار قالانىڭ, استانانىڭ جاو مەملەكەتتىك ۇيىمدارى ۇسىنعان ۆەتەريناريالىق ەسەپتiلiكتi جيناقتايدى جانە ەسەپتى كەزەڭنەن كەيىنگى ايدىڭ جيىرماسىنشى كۇنىنە قاراي ۇسىنادى.
5. ۆەدومستۆونىڭ جانە ونىڭ اۋماقتىق بولىمشەلەرىنىڭ, ونىڭ ىشىندە ۆەتەريناريالىق باقىلاۋ بەكەتتەرىنىڭ ۆەتەريناريالىق ەسەپكە الۋدى جۇرگىزۋ جانە ەسەپتىلىكتى ۇسىنۋ ءتارتىبى
23. وبلىستاردىڭ, رەسپۋبليكالىق ماڭىزى بار قالانىڭ, استانانىڭ, اۋدانداردىڭ, وبلاستىق ماڭىزى بار قالالاردىڭ اۋماقتىق بولىمشەلەرى ۆەتەريناريالىق باقىلاۋ بەكەتتەرiمەن بىرگە ورنى اۋىستىرىلاتىن (تاسىمالداناتىن) جانۋارلاردى شەكارالىق ۆەتەريناريالىق-سانيتاريالىق باقىلاۋ بەكەتىندە قاراپ تەكسەرۋ جانە ەسەپكە الۋ جۋرنالىن (ۆەتەسەپ, № 29-ۆەت نىسان) جۇرگىزەدى.
24. ۆەدومستۆونىڭ اۋماقتىق بولiمشەلەرi, ونىڭ ىشىندە ۆەتەريناريالىق باقىلاۋ بەكەتتەرى ەسەپتiلiكتiڭ مىناداي تۇرلەرiن ۇسىنادى:
1) مەملەكەتتiك شەكارا ارقىلى الىپ وتىلەتىن مەملەكەتتiك ۆەتەريناريالىق-سانيتاريالىق باقىلاۋ جانە قاداعالاۋ باقىلاۋىنداعى ورنى اۋىستىرىلاتىن (تاسىمالداناتىن) وبەكتiلەردi قاراپ تەكسەرiپ تۋرالى ەسەپ (№ 11-ۆەت نىسان);
2) جەكە جانە زاڭدى تۇلعالار مەن جەرگiلiكتi اتقارۋشى ورگانداردىڭ ۆەتەريناريا سالاسىنداعى قىزمەتتi جۇزەگە اسىراتىن بولiمشەلەرiن تەكسەرۋ, سونداي-اق ءوندiرiس وبەكتiلەرiنە ەسەپتiك ءنومiر بەرۋ تۋرالى ەسەپتى قوسپاعاندا, ۆەتەريناريا سالاسىنداعى ايقىندالعان زاڭ بۇزۋشىلىقتار تۋرالى ەسەپ (№13-ۆەت نىسان).
25. وسى قاعيدالاردىڭ 24-تارماعىندا كورسەتiلگەن ۆەتەريناريالىق ەسەپتiلiكتi اۋماقتىق بولiمشەلەر, ونىڭ ىشىندە ۆەتەريناريالىق باقىلاۋ بەكەتتەرى جاسايدى جانە ەسەپتى كەزەڭiنەن كەيiنگi ايدىڭ ون بەسىنشى كۇنiنە قاراي وبلىستاردىڭ اۋماقتىق بولiمشەلەرiنە ۇسىنادى.
وبلىستاردىڭ (رەسپۋبليكالىق ماڭىزى بار قالانىڭ, استانانىڭ) اۋماقتىق بولiمشەلەرi ەسەپ بەرۋ كەزەڭiنەن كەيiنگi ايدىڭ جيىرماسىنشى كۇنiنە قاراي ۆەدومستۆوعا ۆەتەريناريالىق ەسەپتiلiكتi ۇسىنادى.
ۆەدومستۆو وبلىستاردىڭ, رەسپۋبليكالىق ماڭىزى بار قالانىڭ, استانانىڭ اۋماقتىق بولiمشەلەرi, وبلىستاردىڭ, رەسپۋبليكالىق ماڭىزى بار قالانىڭ, استانانىڭ جاو بولiمشەلەرi جانە مەملەكەتتiك ۇيىمدار ۇسىنعان ەسەپتەردi تالدايدى.
26. ۆەدومستۆو الىنعان ەسەپ دەرەكتەرiنiڭ نەگiزiندە رەسپۋبليكا بويىنشا جيىنتىق ەسەپ جاسايدى جانە ونى ەسەپ بەرۋ كەزەڭiنەن كەيiنگi ايدىڭ وتىزىنشى كۇنiنە قاراي ۋاكiلەتتi ورگانعا ۇسىنادى.
ەسەپ دەرەكتەرى ۆەتەريناريالىق ءىس-شارالار جوسپارلارىن جاساعاندا جانە جانۋارلار اۋرۋلارىنىڭ پايدا بولۋىن بولجاۋ, دامۋى جانە ولاردى جويۋ كەزىندە پايدالانىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 4 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11265 بولىپ ەنگىزىلدى.